Saturday, October 24

चोरको नयाँ शैली : स्कुटरको डिकीबाट पैसा गायब !

July 26, 2020 124

काठामाडौं । दुई पांग्रे सवारीको डिकीमा पैसा या कुनै सामान राखेर हिँड्नु भएको छ ? सावधान !! तपाईको सामान हराउन सक्छ ।

अहिले पार्किङ या अन्य कुनै स्थानमा राखिएका दुई पांग्रे सवारीका डिकीबाट सामान हराउन थालेका छन् । अहिले स्कुटरको डिकीबाट रकम चोरी हुने गरेको नयाँ रहस्य खुलेको छ ।

महानगरीय प्रहरी बृत्त नयाँ बानेश्वरको टोलीले स्कुटरको डिकीमा राखेको पैसा झिकेको आरोपमा एक जनालाई पक्राउ गरेसँगै स्कुटरबाट रकम चोरी हुने नयाँ रहस्य खुलेको हो ।

महानगरीय प्रहरी परिसर काठमाडौंका प्रवक्ता डिएसपी राजकुमार केसीका अनुसार, स्कुटरको डिकीबाट रकम चोरी भएको उजुरी पछि खोजतलास गर्दा मोरङका शोभित कार्की पक्राउ परेका हुन् ।

पक्राउ परेका कार्कीको साथबाट प्रहरीले ४२ वटा विभिन्न गाडी तथा मोटरसाइकलको मास्टर चाबीसमेत फेला पारेको छ । प्रहरीको प्रारम्भिक अनुसन्धान अनुसार, कार्कीले चाबीको प्रयोग गरेर गाडी तथा स्कुटरमा भएको पैसा तथा धनमाल चोरी गर्ने गरेका थिए ।

प्रहरीका अनुसार उनले साउन ७ गते एक पूर्वप्रहरी अधिकृतका छोराको स्कुटरको डिकी खोली एकलाख रुपैयाँ चोरी गरेका थिए । उनीविरुद्ध चोरी सम्बन्धी कसूरमा म्याद थप गरेर विस्तृत अनुसन्धान थाल्ने प्रहरी तयारी छ ।

प्रतिकृया दिनुहोस्