Wednesday, October 28

सीतापाइलामा युवतीमाथि एसिड प्रहार गर्ने दुईजना जेल चलान

August 20, 2020 121

काठमाडौं – राजधानीको सीतापाइलामा युवतीमाथि एसिड प्रहार गर्ने दुई अभियुक्तलाई अदालतले पुर्पक्षका लागि थुनामा राख्न आदेश दिएको छ । जिल्ला अदालत काठमाडौंले बिहीवार उक्त मुद्दाको सुनुवाइ गर्दै थुनामा राख्न आदेश दिएको हो ।

न्यायाधीश कृष्णजंग शाहको इजलासले अभियुक्त मोहम्मद आलम र भारतीय नागरिक मुन्ना मोहम्मदलाई थुनामा राख्न आदेश दिएको हो ।

 

साथै अदालतले एसिड आक्रमणमा परेकी पवित्रा कार्कीको उपचारका लागि राहत कोषमा तत्काल २ लाख रुपैयाँ उपलब्ध गराउन पनि आदेश दिएको छ ।

गत साउन ८ गते पवित्रामाथि सीतापाइलामा एसिड प्रहार भएको थियो । एसिड प्रहार गर्ने मोहम्मद आलम र भारतीय नागरिक मुन्ना मोहम्मदलाई अपराध अनुसन्धान महाशाखाको टोलीले २४ घण्टाभित्रै पक्राउ गरेको थियो ।

डेराबाट दही किन्न निस्किएकी ओखलढुंगाकी २२ वर्षीया पवित्रामाथि एसिड हान्ने मुन्नाले आलमको निर्देशनमा आफूले एसिड प्रहार गरेको स्वीकारेका थिए ।

प्रतिकृया दिनुहोस्