Tuesday, October 27

छानोबाट घरभित्र दुईवटा ठूला अजिङ्गर खसेपछि…

September 5, 2020 90

अस्ट्रेलियाको क्वीन्स्ल्याण्डस्थित एउटा घरमा छानोबाट दुईवटा अजिङ्गर खसेका छन्।

आफ्नो घरभित्र ठूलाठूला दुईवटा सर्प देख्दा घरधनी डेभिड टेट आश्चर्यचकित भएका थिए। तीमध्ये एउटा उनको शयनकक्षमा थियो भने अर्को चाहिँ बैठक कोठामा।

तिनको कुल तौल २२ किलो भएको बताइएको छ।

सर्प समात्ने व्यक्ति स्टीभन ब्राउनका अनुसार ती अजिङ्गरको तौल “असाधारण” थियो।

पोथीका लागि जुध्दै गर्दा ती दुई अजिङ्गर घरभित्र खसेको हुनसक्ने अनुमान गरिएको छ। तर त्यहाँ पोथी सर्प भने फेला परेन।

शौचालय जाँदा महिलालाई कमोडमा लुकेको सर्पले टोकेपछि…
भारतमा भेटियो नयाँ सर्प, नाम जुराइयो ह्यारी पोटर उपन्यासको पात्रबाट
कार्पेट पाइथनको ती दुई सर्पको लम्बाइ २.८ मिटर र २.५ मिटर रहेको बताइएको छ।

टेटले पहिले आफ्नो छतमा सर्पहरू घाम तापिरहेको देखेको बताएका छन्।

घर

घरतस्बिर स्रोत,NORTH BRISBANE SNAKE CATCHERS AND RELOCATION
“म घर आउँदा भान्साको टेबलमा छानोको एउटा ठूलो खण्ड झरेको थियो,” उनले द कुरीअर मेललाई भने।

छानोको अवस्था देखेपछि खोजी गर्दा उनले ती सर्प फेला पारे। त्यसपछि उनले सर्प समात्ने व्यक्तिलाई बोलाए।

नोर्थ ब्रिस्बेन स्नेक क्याचर्स एन्ड रिलोकेशनका ब्राउनले बीबीसीलाई भने: “सामान्य आकारसँग तुलना गर्दा ती दुईको आकार असाधारण थियो।”

अमेरिकामा फेला पर्‍यो दुइटा टाउको भएको दुर्लभ सर्प
सर्पले बचाउँछ मानिसको जीवन
फेसबुकमा लेखिएको पोस्टमा टेटले आफ्नो छतबाट ती सर्प खसेको घर पुगेपछि मात्रै आफूले थाहा पाएको उल्लेख गरेका छन्।

सर्प

सर्पतस्बिर स्रोत,NORTH BRISBANE SNAKE CATCHERS AND RELOCATION
ब्राउनका अनुसार सर्प नजिक आएको अवस्थामा हलचल नगरी बस्नु उपयुक्त हुन्छ।

त्यसो गर्दा सर्पले आफूलाई खतरा भएको भन्ठान्दैनन् र आक्रमण गर्दैनन्।

“सर्पले चाहने भनेको कुनै पनि खतराबाट आफू उम्किनु हो,” उनले भने।

प्रतिकृया दिनुहोस्