Monday, March 8

भेरी नदीमा बस खस्यो, एकको मृत्यु

January 7, 2021 107

सुर्खेत– छिन्चु जाजरकोट सडक खण्ड अन्तर्गत सुर्खेतको गुर्भाकोट नगरपालिका ९ गरालेस्थित भेरी नदीमा बस खस्दा एक जनाको मृत्यु भएको छ ।

प्रहरीका अनुसार बसका चालक सुमन नेपालीको मृत्यु भएको हो । २२ वर्षीय उनी दाङको बबई गाउँपालिका–३ निवासी रहेको प्रहरीले जनाएको छ ।

जिल्ला ट्राफिक प्रहरी कार्यलय सुर्खेतका प्रमुख उपेन्द्र आचार्यका अनुसार ना ५ ख ७७५० नम्बरको मिनी बस आज दिउँसो सुर्खेतको गुर्भाकोट नगरपालिका-९ मा दुर्घटना भएको हो ।

बस सडकबाट भेरी नदीमा खसेको प्रहरीले जनाएको छ । सल्यान कालीमाटीदेखि बोटेचौरतर्फ जाँदै गरेको सो बसमा जम्मा तीन जनामात्र रहेको बताइएको छ । ्

दुर्घटनामा कालिमाटी गाउँपालिका–४ का ईश्वर सुनार घाइते भएका छन् । दुर्घटनास्थलबाट उनको उद्धार गरी उपचारका लागि पठाइएको प्रहरीले जनाएको छ ।

अर्का एकजनाको अवस्था भने अज्ञात रहेको छ । उनको खोजी कार्य जारी रहेको प्रहरीको जनाएको छ ।

प्रतिकृया दिनुहोस्