Thursday, October 22

नेदरल्यान्ड्सको सैनिक हेलिकोप्टर समुद्रमा खस्यो

July 20, 2020 76

नेदरल्यान्ड्सको रक्षा मन्त्रालयले क्यारेबियनको आरुबाबाट उडेको एउटा सैनिक हेलिकप्टर समुद्रमा खसेको जनाएको छ । उड्नासाथ भएको दुर्घटनामा दुई जनाको मृत्यु भएको छ ।

मन्त्रालयले हेलिकप्टर आरुबाबाट आइतबार अपराह्न छिमेकी द्वीप कुराकाओका लागि उडेको जनाएको छ । आरुबा नेदरल्यान्ड्सको स्वामित्वमा रहेको क्यारेबियन द्वीप हो । डच सेनाका प्रमुख रब बाउरले हेलिकप्टरमा सवार ४ जनामध्ये २ जनाको मृत्यु भएको र २ जना सकुशल रहेको जानकारी दिए ।

हेलिकप्टर दुर्घटनाको कारण भने अझै खुलेको छैन । डच सैनिकले हेलिकप्टरको ब्लाक बक्स खोजी गरिरहेका छन् । सेना प्रमुख बाउरले दुर्घटनाका सम्बन्धमा छानबिन सुरु भइसकेको जानकारी दिएका छन् ।

प्रतिकृया दिनुहोस्