Thursday, October 22

श्रीमतीका थिए १४ प्रेमी, श्रीमानले सबैलाई कानुनी नोटिस पठाएर मागे डेढ अर्ब क्षतिपूर्ति

July 23, 2020 107

काठमाडौं। श्रीमतीको १४ जनासँग अवैध सम्बन्ध भएको थाहा पाएपछि श्रीमानले प्रत्येक प्रेमीलाई कानुनी नोटिस पठाएर कूल १ सय करोड भारु (१ अर्ब ६० करोड नेपाली रुपैयाँ) बराबरको मानहानीको दावी गरेका छन् । यो घटना कोलकाताको हो । पेशाले व्यापारी श्रीमानले यी पुरुषहरुका कारण आफ्नो वैवाहिक जीवन तहस नहस भएको र समाजमा आफ्नो प्रतिष्ठा धुमिल भएको दावी गरेका छन् ।

भारतीय अखबार दैनिक जागरणका अनुसार ती व्यवसायीले आफ्ना गाडी चालकलाई जासुस बनाएर यो जानकारीका साथमा अवैध सम्बन्धका प्रमाणहरु समेत जुटाइसकेका छन् । उनले ती सबै १४ जनालाई छुट्टछुट्टै कानुनी नोटिस पठाएका छन् जसमा भनिएको छ – नोटिस पाएको दुई हप्ताभित्र मानहानीको क्षतिपूर्तिवापत उल्लिखित रकम नदिए कानुनअनुसार कारवाही गरिनेछ । नोटिसमा उनले लेखेका छन् ‘हालै मलाई थाहा भएको छ कि तपाइँको मेरी पत्नीसँग शारीरिक सम्बन्ध छ र गोपनीय रुपमा मेरी श्रीमतीसँग सम्पर्कमा हुनुहुन्छ ।’

उनले अगाडि लेखेका छन् ‘तपाइँहरु सबैलाई थाहा छ कि उनी विवाहित हुन् । तपाइँहरुमध्ये धेरैले मलाई उनका पतिको रुपमा पनि चिन्नुहुन्छ । तपाइँहरुको यो अवैध क्रियाकलापले मेरो वैवाहिक जीवन तहसनहस भएको छ । म समस्यामा बाँचिरहेको छु । समाजमा मेरो प्रतिष्ठा पनि नष्ट भएको छ । मानहानीको क्षतिपूर्तिको रुपमा तपाइँहरु सबैले मलाई २ हप्ताभित्र १०० करोड रुपैयाँ दिनुपर्नेछ । यस्तो नगरेमा तपाइँहरुविरुद्ध कानुनसम्मत तरिकाले कदम उठाइनेछ ।’

प्रतिकृया दिनुहोस्